BRAZIL 2014

“Baada ya Brazuca na Jumuiya ya Madola” Sasa Ligi mbalimbali hapa ulimwenguni.Pamoja kwa Umoja

Friday, October 12, 2012

TANZANIA POLITICAL NEWS:MUOMBWA MWINYI KATIKA BARAZA LA USALAMA LA UN



NEW YORK
Balozi Ramadhan Muombwa Mwinyi, Naibu Balozi katika Ubalozi wa Kudumu wa Tanzania katika Umoja wa Mataifa, akizungumza wakati wa mkutano wa Kamati ya Nne ya Baraza Kuu la 67 la Umoja wa Mataifa. 

Kamati hiyo ni Kamati Maalum inayohusika na masuala ya Siasa na umalizaji wa Ukoloni na kwa wiki nzima imekuwa ikijadili ajenda zinazohusiana na suala zima la umalizaji wa Ukoloni kama inavyoelekezwa katika Katiba ya Umoja wa Mataifa na Maazimio mengine mbalimbali. Hadi sasa kuna makoloni 16 ambayo bado yapo chini ya Ukoloni na hayajawa huru kujiamulia mambo yake yenyewe. 

Baadhi ya Makoloni hayo ni Sahara ya Magharibi ambayo ni koloni pekee lililobaki Barani Afrika. Kwa zaidi ya miaka 57 Sahara ya Magharibi ambayo imejitangaza kujitenga kutoka Morocco imekuwa katika mgogoro mkubwa na serikali ya Morocco. 

Mgogoro ambao umesababisha wananchi wengi kupoteza maisha, wengine kuishia kuwa wakimbizi huku zikiwamo shutuma za ukiukwaji mkubwa wa haki za binadamu. Aidha Kamati hiyo ilipata fursa ya kuwasilikiliza Wadai (Petitioners) 68 ambao ama walikuwa wakitetea haki ya Sahara Magharibi kujipatia uhuru wake na fursa ya kujiamulia mambo yao au walikuwa wakiitetea Morocco dhidi ya Sahara Magharibi. 

Akichangia maoni ya Tanzania katika mkutano huo, Naibu Balozi Ramadhan Muombwa Mwinyi pamoja na mambo mengine amesisitiza haja na umuhimu wa Serikali ya Morocco na POLISALIO kuendelea na mazungumuzo ya kutafuta suluhu ya kudumu na kubwa zaidi ni kwa Morocco kuiachia Sahara Magharibi ijitawale na kujiamulia mambo yake yenyewe. 

Aidha Tanzania kupitia msemaji wake huyo imeungana na mataifa mengine ambayo yalizungumzia kwa kina haki na uhuru wa Sahara ya Magharibi huku ikitoa wito kwa Morocco kujiunga tena na Umoja wa Afrika (AU) kama njia moja wapo itakayosaidia kuutafutia ufumbuzi mgogoro huo.

No comments:

Post a Comment

Related Posts Plugin for WordPress, Blogger...

G


website counters

BLOGU NYINGINE

TOPSy KRETTS

TOPSy KRETTS