Merry Christmas 2015

Pamoja kwa Umoja

Monday, November 20, 2017

Nana Baby ‘Promising Talent’ la Bongo Fleva

Tangu Oktoba 2017 Jaizmelaleo ilianza kukuletea ukurasa wa mbele wa jarida lake la JAIZMELALEO.  

Matthew McColister kocha wa kikapu nchini Marekani aliupamba ukurasa wa huo. Novemba hii anayeupamba ni Eneck Thompson ‘Nana Baby’ ambaye ni msanii wa Bongo Fleva anayekuwa kwa kasi nchini Tanzania.

TOLEO NA. 01_OKTOBA 2017

HISTORIA YAKE

Eneck Thompson 'Nana Baby'. Alizaliwa mwaka 1995 jijini Mbeya kwa wazazi Leah na Thompson Mwakibinga. 

Hata hivyo amekulia jijini Dar es Salaam ambako alianza elimu ya msingi katika Shule ya Msingi Segerea mwaka 2001 na kuhitimu mwaka 2007. Baada ya kufanya vizuri katika masomo yake ya shule ya msingi mwaka 2008 alianza masomo ya upili (sekondari) katika Shule ya Kenton jijini humo na alihitimu mwaka 2011. 

Hata hivyo aliamua kujikita katika muziki wa Bongo Fleva huku akiwa ameanza kutoa nyimbo nne ambazo zitamfanya atoe albamu.

Timothy Ayieko is no more


Shirikisho la Soka la Uganda limetoa salamu zake za rambirambi kutokana na kifo cha aliyekuwa kocha wa zamani wa timu ya Taifa Uganda Cranes Timothy Ayieko. Kocha huyo alifariki jana Jumapili Novemba 19 mwaka huu. 

“Tumepokea kwa masikitiko taarifa za kifo cha Timothy Ayieko. Medani ya soka imepoteza mtu mkubwa ambaye alikuwa akipenda soka lianze kutoka chini (grass roots). Alikuwa mchezaji, kocha na mtawala aliyeipenda kazi yake.” 

Ayieko alikuwa kiungo muhimu katika mafanikio ya Uganda Cranes na SC Villa kwa miaka mingi. Mwili wa marehemu ulisafirishwa kwenda nyumbani kwake Kakira, Jinja kwa taratibu za mazishi. 

Ayieko alikuwa katika kikosi kilichofanya vizuri mwaka 1978 katika mataifa ya Afrika na kushika nafasi ya pili yakiwa ni mafanikio ya juu kwa timu hiyo ya taifa. 

Aidha aliwahi kuzitumikia KCCA ya Uganda na Gor Mahia ya Kenya  kabla ya kushika mikoba ya Uganda Cranes mwaka 1995. Alizaliwa mwaka 1954.

Thursday, November 16, 2017

Hamad Ndikumana is no more

Hamad Ndikumana enzi za uhai wake
Kumekuwa na mkanganyiko kuhusu Ndikumana miongoni mwa wafuatiliaji wa masuala mbalimbali ya michezo Tanzania na Afrika kwa ujumla. Hiyo inatokana na kifo cha mwanasoka wa zamani wa Rwanda aliyewahi kufanya kazi nchini Tanzania.

Huyo sio mwingine ni Hamad Ndikumana. Mwanasoka huyo ni yule aliyekuwa mume wa muigizaji maarufu nchini Irene Uwoya. Ndikumana aliwahi kuitumikia klabu ya Stand United ya Shinyanga ambayo ipo katika Ligi Kuu Tanzania Bara msimu wa 2017/18.

Nyota huyo amefariki dunia akiwa na miaka 39 kutokana na kile kinachodaiwa kuwa maradhi ya moyo yaliyojificha. Uhusiano wake na Uwoya ulikuwa maarufu mno nchini kutokana na kukutana na misukosuko ya kila mara. Muda mfupi baada ya taarifa za kifo chake, idadi kubwa ya watu katika mitandao ya kijamii walieleza kushitushwa na tukio kila mmoja akieleza la kwake.

Daktari ya klabu ya Rayon Sports, Charles Mugemana alikaririwa akisema Ndikumana hakuwa kulalamika kuhusu tatizo la afya na siku moja kabla ya kifo chake alifanya mazoezi na timu hiyo. 

Taarifa nyingine zilidaiwa kuwa katika eneo alilokuwa akiisha la Nyakabanda, Nyarugenge alimwambia jirani yake yake kuwa ana maumivu makali ya kifua kabla ya kuaga dunia. Ndikumana alikuwa miongoni mwa walinzi bora kuwahi kutokea Rwanda kabla ya kustaafu mwaka 2015.

Alianza kufundisha timu ya mtaani ya Espoir FC. Msimu uliopita alikuwa kocha msaidizi wa Musanze FC akimsaidia Kocha Mkuu Sosethen Habimana ambaye ni mlinzi wa zamani wa Rayon Sports. Hadi mauti yanamkuta alikuwa Kocha msaidizi wa Rayon Sports akisaidiana majukumu na kocha mkuu Olivier Karekezi.

Ndikumana alizikwa Novemba 15, 2017 katika makaburi ya Nyamirambo. Kifo chake kimekuja ikiwa siku moja baada ya mchezaji mwingine wa zamani wa Amavubi Bonaventure ‘Gangi’ Hategekimana kulazwa Hospitali ya Kabutare kutokana na maradhi ya muda mrefu.

 Ndikumana alianza kutambana katika medani ya kandanda baada ya kujiunga na Rayon Sports msimu wa 1998/99.


Aliitumikia timu ya taifa ya Rwanda mitanange 51 huku akiweka rekodi ya kucheza fainali za Mataifa ya Afrika nchinio Tunisia mwaka 2004. 
Mwili wa marehemu Hamad Ndikumana ukipelekwa mazikoni.

Tuesday, November 14, 2017

Italia yashindwa kufuzu Kombe la Dunia kwa mara ya kwanza tangu 1958

Haitasahaulika Novemba 13, 2017 katika soka la Italia pale timu ya taifa hilo maarufu Azzuri iliposhindwa kufuzu kucheza Kombe la Dunia 2018 litakalofanyika nchini Russia.
Tukio hilo limetokea ikiwa ni miaka 60 ya kuwamo kwenye kila fainali ya Kombe la Dunia. Mabingwa hao mara nne wa taji hilo wakicheza na Sweden katika mchezo ambao uliipeleka Sweden Kombe la Dunia walitoka sare tasa ikiwa ni uwiano wa bao 1-0.
Mlinda mlango ambaye anashikilia rekodi ya kucheza mechi nyingi katika timu ya taifa hilo Gianluiggi Buffon alibubujikwa na machozi pale aliposhuhudia kikosi cha miamba hiyo chenye wapenzi na mashabiki wengi ulimwenguni kikishindwa kutinga kwenye fainali hizo.
Italia ilishindwa kufuzu Kombe la Dunia kwa mara ya mwisho mwaka 1958. Wakati ule dunia nzima ilikuwa ikimzungumzia Mbrazil Pele lakini fainali za mwaka 2018 Neymar ndiye nyota wa Brazil aliye midomoni mwa wapenzi na  mashabiki wengi.

HISTORIA YA TIMU YA TAIFA YA ITALIA
Nazionale di Calcio Italiana kama ambavyo Waitaliano wenyewe wanavyopenda kuiita Timu ya Taifa ya Italia ipo chini ya Shirikisho la Soka la Italia (FIGC).
Ni miongoni mwa timu zenye mafanikio makubwa ya soka hususani katika Kombe la Dunia  ikitwaa mwaka 1934, 1938, 1982 na 2006 pia ni timu iliyofika kwenye fainali mara mbili mwaka 1970 na 1994. Mwaka 1990 ilishika nafasi ya tatu katika Kombe la Dunia.
Mwaka 1978 ilisalia kushika nafasi ya nne. Mwaka 1934 ilikuwa ni timu ya kwanza kulitetea taji lake. Mwaka 1968 Italia ilitwaa taji la Ulaya ambalo kwa sasa linafahamika kwa jina la Euro.
Pia ilifika fainali mbili Euro 2000 na Euro 2012. Italia ina taji moja la Olimpiki ililotwaa mwaka 1936. Mafanikio makubwa katika Kombe la Shirikisho la Soka la Kimataifa (FIFA) ilikuwa ni nafasi ya tatu mwaka 2013. Italia inayofahamika kwa Gli Azzuri inatumia uwanja wa mazoezi wa Coverciano, Florence yalipo makao makuu ya FIGC.

ITALIA KATIKA KIPINDI CHA 1946-1966
Mwaka 1949 wachezaji 10 kati 11 waliuawa  katika shambulio la anga (Superga Air Disaster) lililotokea Torino ambayo ilikuwa imetwaa mataji matano ya Serie A hivyo Italia haikufanikiwa kufuzu kucheza mzunguko wa pili wa kuwania kucheza Kombe la Dunia la 1950.
Hiyo ilitokana na kudhoofishwa na shambulio hilo. Baada ya hapo timu ikawa inasafiri kwa kutumia boti badala ya ndege ikihofia tukio jingine la anga. Katika kufuzu kucheza Kombe la Dunia mwaka 1954 na 1962 Azzuri iliishia mzunguko wa kwanza  na haikufuzu kabisa kucheza mwaka 1958.
Italia  haikufanikiwa kuingia katika michuano ya kwanza ya Ulaya mwaka 1960 kwa wakati huo ikiitwa European Nations Cup. Pia katika Euro 1964 iliishia kutolewa katika hatua ya 16 na USSR. Katika kushiriki Kombe la Dunia mwaka 1966 iliishia kuzabuliwa na Korea Kaskazini kwa bao 1-0 licha ya kupewa nafasi.
Kikosi cha Italia kilikuwa na wakali Gianni Rivera na Giacomo Bulgarelli ambao walishindwa kuivusha mzunguko wa kwanza dhidi ya Korea Kaskazini ambao hawakuwa na kiwango cha kuizidi Azzuri. Italia ililaumiwa sana iliporudi katika ardhi ya nyumbani huku mfungaji wa Korea Kaskazini Pak Doo-ik akishangilia kama Daudi kumuuwa Goliathi.

ITALIA YA 1988-2000
Mwaka 1986 aliondoka Kocha Bearzot kisha nafasi yake ikachukuliwa na Azeglio Vicini. Kocha huyo mpya alitoa nafasi kwa vijana chipukizi Ciro Ferrara na Gianluca Vialli. 
Vialli ambaye alikuwa mshambuliaji wa Sampdoria wakati huo alifunga mabao yaliyoipa Italia kufuzu Euro 1988. Alionyesha kuwa ataimudu vema nafasi iliyoachwa na Altobelli ambaye alikuwa na mfanano katika ufungaji wa mabao yake.
Washambuliaji hao wawili waliimaliza Ujerumani licha ya Azzuri kutandikwa na USSR katika nusu fainali. Mwaka 1990 Italia walipata uenyeji wa kuandaa Kombe la Dunia kwa mara ya pili. Wakati huo Azzuri ilikuwa na vipaji katika ushambuliaji Salvatore Schillaci na chipukizi Roberto Baggio.
Licha ya kuwa na majina hayo katika ushindi wao katika mechi zote walizocheza Rome hawakuruhusu kutanguliwa bao katika mechi tano za kwanza wakiishia kupoteza katika nusu fainali wakitandikwa na mabingwa Argentina mjini Naples kwa changamoto ya mikwaju ya penalti 4-3 baada ya kuwa sare 1-1 hadi muda wa ziada (a.e.t). Schilaci aliipa uongozi katika kipindi cha kwanza na Claudio Canniggia akaisawazishia Argentina kipindi cha pili.
Aldo Serena alikosa mkwaju wa penalti na mkwaju wa Roberto Bonadoni ukiokolewa na mlinda mlango wa Argentina Sergio Goycochea. Hata hivyo Azzuri ilijitahidi na kuizabua England kwa mabao 2-1 ambayo iliwapa nafasi ya tatu mjini Bari. Schillaci alifunga mabao sita katika michuano hiyo na kuwa mfungaji bora. Haikuishia hapo Italia ilishindwa kufuzu kucheza Euro 1992.
Katika Kombe la Dunia mwaka 1994 Italia ilipoteza katika mechi ya ufunguzi ikizabuliwa kwa bao 1-0 na Ireland kwenye dimba la Giants karibu na jiji la New York. Ikaja kushinda kwa 1-0 dhidi ya Norway jijini New York kisha sare ya 1-1 na Mexico kwenye dimba la RFK jijini Washington.
Ilifanikiwa kuvuka kundi E kwa uwiano wa mabao kutokana na timu zote kuwa sawa kwa pointi. Katika hatua ya 16 Italia ilipata ushindi wa mabao 2-1 na Nigeria kwenye dimba la Foxboro karibu na Boston, Baggio akisawazisha na kuongeza moja kwa mkwaju wa penalti katika a.e.t Baggio tena akarudi nyavuni katika robo fainali dhidi ya Hispania mjini Boston kwenye ushindi 2-1.
Mabao mengine mawili Baggio aliyafunga dhidi ya Bulgaria kwenye nusu fainali jijini New York kwenye ushindi wa mabao 2-1. Fainali ilichezwa jijini Los Angeles katika dimba Rose Bowl ambako walifika hatua ya changamoto ya mikwaju ya penalti  ambako walishindwa mbele ya Brazil kwa mikwaju 3-2 huku Baggio akiwa katika dozi ya sindano ya kuzuia maumivu baada ya kupata majeruhi ya nyama za paja kukosa mkwaju wa penalti uliogonga mtambaa panya.
Azzuri ilishindwa kuvuka hatua ya makundi ya Euro 1996. Iliwazabua Russia kwa mabao 2-1 lakini ikapoteza dhidi ya Jamhuri ya Czech kwa matokeo hayo hayo.. Gianfranco Zola alishindwa kuiokoa Italia dhidi ya Ujerumani kwa mkwaju wa penalti hivyo kutoka sare tasa.
Katika kampeni za Kombe la Dunia 1998 Azzuri walitandika England mjini London kwa mara ya pili, huku Zola akifunga bao pekee. Katika fainali za Kombe la Dunia ikairudia tena Italia kuamua nani wa kutwaa taji hilo kwa mikwaju ya penalti ikiwa ni mara ya tatu mfululizo. Kama ilivyokuwa kwa Mazzola na Rivera mwaka 1970 ndivyo ilivyokuwa Alessandro Del Piero na Baggio wakifanya kile kinachoitwa staffeta wakajikuta wakipoteza kwa mikwaju 4-3 baada ya sare tasa a.e.t
Katika michuano hiyo Baggio alifunga mabao mawili hivyo kusalia kuwa mchezaji wa Italia aliyefunga kwenye matoleo matatu tofauti ya Kombe la Dunia. Euro ya mwaka 2000 ilimuibua Francesco Totti. Neema ilikuwa upande wa Italia baada ya kuwatandika wenyeji Uholanzi katika nusu fainali.
Mlinda mlango Francesco Toldo aliokoa mkwaju wa penalti. Totti alijulikana kwa mkwaju wake wa penalti wa staili ya ‘cucchiajo’ yaani kijiko kwa waswahili inafahamika kama ‘kuchopu’. Katika fainali hizo Italia ilimaliza nafasi ya pili baada ya kupoteza dhidi ya Ufaransa kwa mabap 2-1 huku bao la dhahabu  likiwaokoa Les Bleus waliosawazisha sekunde 30 kabla ya muda wa majeruhi dakika ya 93. Baada ya kichapo hicho kocha Dino Zoff aliachia ngazi baada ya kupingwa kwa maneno makali na Rais wa AC Milan wakati huo Silvio Berlusconi.

ZAMA ZA GIAN PIERO VENTURA
Kocha Gian Piero Ventura alipokea mikoba ya Antonio Conte Julai 18, 2016 kwa mkataba wa miaka miwili. Mechi yake ya kwanza ilikuwa ya kirafiki dhidi ya Ufaransa katika dimba la San Nicola Septemba 1 wakiishia kutandikwa bao 3-1.
Siku nne baadaye alishinda mchezo wake wa kwanza dhidi ya Israel ukiwa ni wa ufunguzi wa kuwania kufuzu Kombe la Dunia mjini Haifa, Israel kwa ushindi wa mabao 3-1. Italia ilimaliza nafasi ya pili ya kundi G nyuma ya Hispania hivyo kutakiwa kucheza mtoano na Sweden.

Katika mchezo huo ndio umeweka rekodi ya kwanza baada ya miaka 59 huku Giorgio Chiellini, Andrea Barzagli, Daniele De Rossi na nahodha Gianluigi Buffon wakitangaza kustaafu majukumu ya timu ya taifa.

Wednesday, October 25, 2017

Ajibu atazuilika Oktoba 28?

Method Mwanjali na Mzamiru Yassin wakijiuliza namna ya kumnyang'anya mpira Ibrahim Ajibu

Mashabiki wa Simba SC 

Ali Shomary akipambana vikali na Ajibu huku Mwanjali akiwa karibu kutoa msaada kumzuia nyota huyo. Picha zote za Ngao ya Jamii Agosti 2017

Ibrahim Ajibu ndio habari ya mjini kuelekea mechi ya watani wa jadi Oktoba 28 mwaka huu katika Uwanja wa Uhuru jijini Dar es Salaam. Kama ilivyokuwa katika Ngao ya Jamii Agosti mwaka huu wakati wa ufunguzi wa Ligi Kuu Tanzania Bara msimu wa 2017/18. Ajibu ndiye mchezaji ambaye Simba SC inamwogopa kwa sasa kutokana na kuwa msimu uliopita alikuwa akiitumikia Simba kwa mafanikio makubwa hata kuchukua taji la Kombe la Shirikisho la Soka Tanzania Bara (ASFC). Hiyo ndiyo sababu hata katika mechi ya ngao ya Jamii alibanwa vya kutosha.

AJIBU ALIBANWA HIVI
Mlinzi wa kati Salim Mbonde alikuwa ngao muhimu ya kumpoteza Ajibu. Ulinzi huo ulikamilika pale Method Mwanjali, Ali Shomari na Mzamiru walipoongezeka na kuziba mianya na njia zote za Ajibu kufanya vile atakavyo. Ulinzi huo ulimpa mlinzi wa kushoto Erasto Nyoni kupata mwanya wa kupanda mbele kushambulia hali iliyowarudisha nyuma Ajibu kwa ajili ya kuzuia hivyo kuchelewa kupanda mbele kwa ajili ya kushambulia.

ITAWEZEKANA OKTOBA 28?
Mbonde alipata majeruhi katika mechi dhidi ya Mtibwa hivyo Yusuf Mlipili na Juuko Murshid walibadili nafasi yake. Ambapo walifanya kazi nzuri katika mchezo dhidi ya Njombe Mji walipotoka kifua mbele kwa mabao 4-0. Mzamiru alipata nafasi ya kupanda mbele huku dimba la chini akimwacha Jonas Mkude. James Kotei hakucheza mchezo huoinawezekana yalikuwa malengo ya Kocha Joseph Omog kumpumzisha raia huyo wa Ghana kwa ajili ya kumdhibiti Ajibu.

NAFASI YA EMMANUEL OKWI

Mshambuliaji wa Simba SC Emmanuel Okwi anaongoza kwa ufungaji kwa sasa katika Ligi Kuu Tanzania Bara akiwa amepachika wavuni mabao saba (7). Mabao hayo ameyafungia yote katika Uwanja wa Uhuru hivyo anaweza akaendeleza kasi ya kufumania nyavu katika dimba hilo. Hata wachezaji wa Young Africans wanajua kuwa wakifanya makosa mbele ya Okwi itawagharimu. Kila timu imejiweka katika tahadhari kubwa.

McCollister is Back


Uko tayari? Young Africans vs Simba SC Oktoba 28


Mchezo wa Ligi Kuu ya Vodacom Tanzania Bara kati ya Young Africans na Simba utafanyika Uwanja wa Uhuru, Dar es Salaam kama ilivyotangazwa awali. Hakuna mabadiliko.

Shirikisho la Mpira wa Miguu Tanzania (TFF), limetangaza viingilio katika mchezo huo kwamba watazamaji watakaohitaji kukaa katika Jukwaa Kuu watalipia Sh 20,000 na Mzunguko ni Sh 10,000.


Young Africans na Simba zinarudi kwa mara ya kwanza kucheza katika dimba la Uhuru baada ya takribani muongo mmoja kupita tangu zianze kutumia uwanja wa Taifa jijini Dar es Salaam.

Thursday, October 12, 2017

George Oppong Weah ni nani?

George Oppong Weah

UNAPOLITAMKA jina la George Oppong Weah, basi linakuwa na maana sana katika ardhi ya Afrika hususani mashabiki wa kandanda ambao ni yeye tu hadi sasa makala hii inapoandikwa kutoka katika ardhi yenye nchi 54 kutwaa Tuzo ya Mchezo Bora wa Dunia ambayo kwa sasa imeshikiliwa kwa muda mrefu na wachezaji wawili Lionel Messi na Cristiano Ronaldo.

Imekuwaje hadi leo tunataka kujua historia yake ya kandanda na maisha yake ya kila siku? Ni sababu moja tu. Sasa ni Rais wa Taifa la Liberia.

Oktoba 10 mwaka huu wananchi wa Liberia walifanya uchaguzi mkuu nchini humo wa kumchagua Rais wa taifa hilo na taarifa za awali zinaonyesha kuwa Weah aliyetwaa Ballon d’or mwaka 1995 anaongoza dhidi ya mpinzani wake ambaye ni makamu wa Rais wa taifa hilo Joseph Boakai.

Licha ya dosari za hapa na pale Tume ya uchaguzi nchini humo imemtangaza mrithi wa Rais Ellen Johnson Sirleaf kuwa ni George Oppong Weah.

Sirleaf ni rais wa kwanza mwanamke barani Afrika ambaye alishinda uchaguzi wa 2005 kufuatia kipindi cha mpito baada ya vita na baadaye alishinda tena 2011.

Wapigakura milioni 2.1 walioandikishwa walipiga kura zao kumchagua rais kutoka idadi ya wagombea 20, ikiwa ni pamoja na mwanamke mmoja na kuwachagua wabunge 73 wa baraza la wawakilishi.

Iwapo kati ya wagombea hao hakuna atakayefikisha asilimia 50 wagombea wawili waliopata idadi kubwa watachuana tena kwenye duru ya pili itafanyika Novemba 7. Wachambuzi wa mambo wameashiria uwezekano wa uchaguzi huo kwenda duru ya pili.

HISTORIA YA GEORGE WEAH
Baada ya kuisha kwa vita vya pili vya ndani ya Liberia Weah akatangaza nia yake ya kuwania uraisi wa nchi yao katika uchaguzi wa mwaka 2005 akiunganisha chama cha Congress for democratic Change.

Pamoja na kuwa maarufu zaidi nchini Liberia, upinzani ulitumia kampeni zake kumkosoa kwa kukosa elimu ya darasani kama kikwazo cha yeye kuiongoza nchi ukilinganisha na mpinzani wake Ellen Johnson Sirleaf ambae alisoma katika chuo cha Harvard.

Wachambuzi pia wa masuala ya kisiasa nchini Liberia walimzungumzia Weah kama mwanasiasa asiye na uzoefu, huku mama Ellen akiwahi kuwa waziri wa fedha kuanzia miaka ya 1970 huku akifanya kazi katika benk ya dunia.

Weah pia alizua maswali kutokana na awali kupewa uraia wa Ufaransa akiwa Paris Saint Germain (PSG) kama mchezaji. Mahakama ilimuondolea vikwazo hivyo vyote na kumruhusu agombee.

Alitikisa nchi nzima kutokana na umaarufu wake lakini matokeo ya mwisho ya uchaguzi yalimpa ushindi mama Ellen Sirleaf kwa ushindi wa 59.4% dhidi ya 40.6% alizopata Weah.
Matokeo hayo ya uchaguzi yalisababisha vurugu kutoka kwa wafuasi wa Weah ambao hawakuridhishwa na taratibu za uchaguzi pamoja na matokeo.

Lakini baadae wadau wa masuala ya siasa nchini Liberia waliwaomba wafuasi wa Weah wakubali matokeo kwani uchaguzi ulikua halali. Kasha bibi Ellen akatangazwa raisi nchini Liberia. Suala la elimu lilikua ni tata nchini Liberia kutoka kwa upinzani na hata kumfanya ashindwe tena kumzuia bibi Ellen Sirleaf katika uchaguzi wa mwaka 2011. 

Weah akachaguliwa kuwa makamu mwenyekiti wa chama cha Congress for Democratic Change.

Weah alizaliwa Oktoba Mosi, 1966 huko Grand Kru, Liberia. Alitangazwa mchezaji bora wa dunia mwaka 1995, huku akishinda tuzo ya mchezaji bora wa Afrika mara tatu. Mwaka 2004 aliandikwa katika orodha ya wachezaji 100 bora wa Shirikisho la Soka la Kimataifa (FIFA) ambao bado wanaishi.

George Weah alitua barani Ulaya mwaka 1988 baada ya kusajiliwa na kocha Arsene Wenger, akiifundisha AS Monaco kipindi hicho. “Weah ni kipaji cha ajabu. Sijawahi ona mchezaji akijituma kama yeye uwanjani” alikaririwa kocha wa sasa wa Arsenal ya Uingereza, Wenger

Mwaka 1991 Weah alikua katika kikosi cha Monaco kilichoshinda Kikombe cha Ligi ya Ufaransa. Alijiunga na Paris Saint Germain (1992-1995) akishinda kikombe cha ligi mwaka 1994 na kuwa mfungaji bora wa klabu bingwa Ulaya msimu huo huo wa 1994-1995 akifunga magoli 16 katika mechi 25 alizocheza za Ulaya huku akifunga goli la kustaajabisha dhidi ya Bayern Munich katika michuano hiyo mikubwa barani Ulaya.

Weah alijiunga na AC Milan mwaka 1995 na kushinda kikombe cha ligi ya Italia 1996 na 1999. Mwaka 1995 alishinda tuzo ya Ballon d’Or na kutangazwa mchezaji bora wa FIFA. Weah akawa mchezaji maarufu zaidi katika kikosi cha Milan baada ya kufunga goli la uwezo binafsi, ‘solo goal’ dhidi ya Verona katika dimba la San Siro akiwapiga chenga wachezaji saba kabla ya kufunga.

Baada ya kuondoka Milan Januari 2000, Weah alijiunga Chesea, Manchester City na Olympique Marseille kwa mafanikio ya haraka, kabla ya kuondoka Marseille mwezi Mei 2001 akielekea Al Jazira FC ya Falme za Kiarabu, ambako alicheza na kustaafu soka lake mwaka 2003.

Pamoja na mafanikio makubwa katika ngazi ya klabu, Weah alishindwa kufanya hayo akiwa na timu ya taifa ya Liberia. Alifanya kila alichoweza katika timu ya taifa katika kucheza, kufundisha na kuiwezesha kifedha lakini akishindwa kuisaidia kufuzu hata mara moja katika fainali za kombe la dunia. Huku wakishindwa kwa pointi moja tu kufuzu katika fainali za kombe la dunia zilizo fanyika 2002.


Weah aliichezea Liberia michezo 60 katika kipindi cha miaka 20 na kufunga magoli 22. Amekua ni mchezaji muhimu wa Liberia huku akiwa kocha kipindi fulani na kuwawezesha kifedha.

Monday, October 9, 2017

Haitastaajabisha Lionel Messi akikosekana Kombe la Dunia 2018

Lionel Messi

Mbio za kufuzu Kombe la Dunia 2018 nchini Russia ni kama zimefikia mwisho. Russia imefuzu kama mwenyeji na mataifa mengine 11 tayari yameshafuzu. Lakini kuna mataifa ambayo yanasubiri mechi zao za mwisho katika kimuhemuhe hicho cha kufuzu siku zijazo miongoni mwa hizo ni Argentina, Ghana, Chile na Australia.

AFC - Timu 46
Zilizofuzu: Korea Kusini, Saudi Arabia, Iran, Japan

Katika shirikisho la Soka la Asia mchezo unaosubiriwa ni ule baina ya Syria na Australia. Zilizotoka sare ya 1-1 katika mkondo wa kwanza. Inaangaliwa zaidi Australia ambayo ina wachezaji watano wanaocheza soka la kulipwa nchini England akiwamo Aaron Mooy nyota anayehudumu Huddersfield ambaye ameshiriki mara tatu mfululizo mbio.

CONCACAF - Timu 35
Zilizofuzu: Mexico

Costa Rica ilikuwa mwenyeji wa Honduras wikiendi iliyopita ikitarajia kuwa itafuzu kwenda Russia lakini haikuwa hivyo. Marekani ikiwa na nyota wa Stoke City Geoff Cameroon ili ifuzu itapaswa kuizabua Trinidad & Tobago. Panama ipo nafasi ya nne ikisalia na mchezo dhidi ya Costa Rica ili matumaini ya kufuzu yawe hai.

CAF – Timu 54
Zilizofuzu: Nigeria

Nigeria imefuzu baada ya kuizabua Zambia. Pia Super Eagles inajivunia kuwa na nyota wake wane wanaosakata kabumbu Ligi Kuu ya England ambao ni Ahmed Musa, Alex Iwobi, Kelechi Iheanacho na Victor Moses. Bao pekee la Iwobi liliipa Nigeria kufuzu. Washindi wa makundi mengine matano Tunisia, Ivory Coast na Misri bado wako imara. Lakini kundi D ambalo yupo Senegal linaonekana lipo wazi kwa Cape Verde na Burkina Faso. Algeria na mabingwa wa Afrika Cameroon wameshatolewa huku Ghana ikiendelea kupambana vikali kuhakikisha nafasi yake haipotei.

CONMEBOL – Timu 10
Zilizofuzu: Brazil
Nje ya Neymar anayeiongoza Brazil kwenda Russia huenda ndio  kundi pekee ambalo linaweza kuwa na habari za kusikitisha huku ikisalia mzunguko mmoja. Uruguay ana pointi 28 atakuwa nyumbani kucheza na Bolivia, Chile ina pointi 26 huku akitarajia kupambana na Brazil ugenini, Colombia ina pointi 26 itakapocheza na Peru ugenini na Peru yenyewe ikiwa na alama 25. Sasa ngoma ipo kwa Argentina yenye nyota Lionel Messi itakapokuwa nyumbani kuikabili Ecuador huku Paraguay ikiwa na pointi 24 itakapowakaribisha Venezuela kesho Jumanne. Hivyo timu tano zinapambana. Katika uhalisi Messi anaweza kulikosa Kombe la Dunia mwaka ujao.

OFC – Timu 11
New Zealand ilijipatia mteremko kwa uwiano wa mabao 8-3 dhidi ya Solomon Islands huku nyota wa Burnley Chris Wood akitupia hat trick katika mzunguko wa kwanza.

Hata hivyo Oceania hao watakuwa wakisubiri kuona Messi na wenzake watakavyokuwa wakipanda  mlima wa Ecuador hapo kesho.

Saturday, September 30, 2017

Kilichofanywa na Obrey Chirwa kimewatia doa Wazambia


HIVI karibuni tasnia ya habari na michezo nchini ilipata pigo ambalo ni vigumu kulisahau hususani kwa wafuatiliaji wa masuala ya michezo na burudani baada ya mchezaji wa Young Africans Obrey Chirwa kumpiga mpiga picha wa magazeti ya Kampuni la New Habari ambayo ni Bingwa na Dimba.

Kilichoelezwa ni kwamba Chirwa ambaye ni mshambuliaji wa klabu hiyo kongwe nchini alitenda kitendo hicho eti kwasababu mpiga picha huyo aliyefahamika kwa jina la John Dande alikuwa akimpiga picha wakati akivua bukta yake. 

Hata hivyo taarifa nyingine zilidai kwamba wakati Chirwa raia wa Zambia aliyetua Jangwani msimu mmoja uliopita alimshambulia Dande na kitu chenye ncha kali kinachodaiwa kuwa ni mkasi. 

Pia wakati tukio hilo likifanyika Kocha wa klabu hiyo raia mwenzake wa Zambia George Lwandamina alikuwa mbele yake na kocha msaidizi Shadrack Nsajigwa ambao walifanya kazi ya ziada ya kuzuia ugomvi huo usiendelee.

 Ambacho kimenisukuma kuandika kuhusu tukio hilo ni kutokana na namna kila upande ulivyolichukulia kuna umati mkubwa wa Watanzania na washabiki wa kandanda wanadai ni sawa kwa Mpiga picha huyo kupigwa pasipo kujali kwamba nani atapigwa kesho, eti kwa kigezo wanahabari ni wambea. 

Hili ni tukio la pili kwa mwandishi wa habari wa michezo kupigwa viwanjani. Tukio la kwanza ni lile la Mwanahiba kule Shinyanga ambaye alizabuliwa na kiungo wa Simba Mwinyi Kazimoto.

Najiuliza maswali mengi kabla sijaanza upande wa Chirwa. Hao wanaoshabikia wangekuwa watoto wao wanafanya kazi ya uandishi wa habari na upigaji picha halafu akatendewa kitendo hicho je, wangeshabikia. 

Pili kitendo cha kupigwa kwa Dande ni ishara tosha kuwa tunaifanya medani hiyo ionekane kuwa sio lolote na sio chochote katika jamii ya kisasa inayokua kwa kasi kwa kutegemea taarifa kupitia vyombo vya habari. Hata waliopo chini wanaotaka kujifunza na wenye ari ya kutaka kuingia ni dhahiri wanakatishwa tamaa.

Dande amekuwa akifanya kazi hiyo kwa muda mrefu kwa weledi ambao umemfanya atambulike kwa kazi yake viwanjani. Linapotokea tukio kama hilo linazidisha uchungu katika tasnia ya habari na michezo ambayo kuna wengine hawaioni kama ina maana katika maendeleo ya nchi ya Tanzania. Waandishi wa Habari wamekuwa wakinyanyaswa na kuonekana ni watu wenye njaa, ambao wanatakiwa kusaidiwa tu na sio kama tasnia nyingine.

Hii ni dhahiri, mwandishi wa habari anaweza akawa na elimu sawa na mhandisi fulani lakini anapotokea mwandishi wa habari hakuna anayetambua umuhimu wake, mtu akijitambulisha kuwa yeye ni mhandisi ndio anaonekana msomi au mtu aliyesoma sheria na tasnia nyingine. Hiyo ndio imejengeka kwa jamii ya watanzania . 

Lakini hakuna jamii ambayo inajengwa kwa medani moja. Hii ina maana michezo pekee haiwezi kuwa juu pasipo kutegemea fani nyingine ikiwamo ya habari.

Hivyo basi lazima kila upande uheshimu upande mwingine. Ambacho kipo wazi ni kwamba mchezaji anaposajiliwa na klabu fulani suala la picha na habari zake ni mali ya klabu husika. Chirwa amepata wapi kiburi cha kufanya hayo. 

Kinachotia simanzi kuwa Chirwa sio raia wa Tanzania anajenga picha gani kwa taifa lake la Zambia ambalo ni rafiki wa siku nyingi wa Tanzania. 

Je raia wa Zambia wanaoishi hapa nchini wanamtazamaje Chirwa? Je watu wakiamua ‘kuliamsha dude’ kuhakikisha hakuna raia wa Zambia aliyopo kwenye mitaa mbalimbali ya Tanzania patatosha? 

Biashara kati ya Tanzania na Zambia inaweza kuvurugika kutokana na kitendo cha Chirwa, kwani linapofika suala la nchi hapo ndio unaweza kujua watu wana uchungu kiasi gani bila kujali tofauti zao. 

Kinachostaajabisha ni kwamba uongozi wa Young Africans umeomba msamaha kwa kitendo hicho, kwamba kiishe.

Binafsi nahisi bado kuna hatua za kuchukua. Shirikisho la Soka Tanzania (TFF) linapaswa kumwadhibu Chirwa kwa kitendo hicho ikiwamo kumsimamisha mechi tano za ndani za ligi kuu na faini ya zaidi ya shilingi milioni mbili ili iwe fundisho kwa wengine. 

Nyuma ya pazia inadaiwa wachezaji walio wengi wa Young Africans wanatafuta sababu ya kutaka kuondoka klabuni hapo kutokana na kuishi katika mazingira magumu ya kiuchumi, hali ambayo huenda hata Chirwa anajua TFF ikimsimamisha kwa mechi tano ambazo ni sawa na mwezi mmoja na nusu hivi atapata wasaa wa kuweka mipango yake ya siku zijazo tofauti na ilivyo sasa.

Pia haitoshi Chirwa anapaswa kuwaomba radhi watanzania na tasnia nzima ya habari, ukweli ni kwamba ndio waliohangaika kwa udi na uvumba kumwandika kwa uzuri wakati akitua Young Africans. Hapo awali hakuna aliyekuwa akimfahamu Chirwa. 

Lakini vyombo vya habari vilijituma kwa raha na taabu kuhakikisha vinapata kwa undani kuhusu ujio wake Tanzania. Sasa vingekuwa na nia mbaya ya kumwandika ilikuwa wakati ule wa awali na ingekuwa rahisi kukataliwa na mashabiki na wapenzi wa Young Africans.

Kwa kweli kitendo alichofanya Chirwa kimetengeneza picha tofauti kwa wachezaji wa kigeni. Kwa ujumla Chirwa amewaaibisha raia wa Zambia kwani Tanzania sio mara ya kwanza kuwa na wachezaji kutoka taifa hilo la Edgar Lungu. 

Utamkumbuka Davis Mwape ambaye aliwahi kuitumikia klabu ya Young Africans, pia Felix Sunzu aliyewahi kuitumikia Simba SC hawakuwahi kuonyesha tabia chafu mbele ya wenyeji wao. Msamaha pekee hautoshi kwani tasnia ya habari na michezo ina vidonda vingi ambavyo kupona kwake haijulikani, na wakati vinakaribia kupona vinatonoswa na matukio mengine.

Hivi karibuni kilichotokea kwenye mchezo wa Rhino Rangers wa Ligi Daraja la Kwanza kwa waandishi wa habari kupigwa ni kidonda ambacho hakijapona, imeibuka stori nyingine ya Chirwa. Inasikitikisha sana.

Imetayarishwa na Jabir Johnson

Tuesday, September 26, 2017

Lionel Messi kufunga bao la 100 kesho?

INFOGRAPHIC: Kundi D la Ligi ya Mabingwa Ulaya Septemba 27.

KUNDI D
Sept. 27
Juventus ? - ? Olympiacos
Sporting CP ? - ? Barcelona


Katika mchezo wa Sporting CP na Barcelona nchini Ureno kesho kutashuhudia rekodi nyingine ikiwekwa kwa mchezaji wa Barcelona ambaye usiku wa Septemba 12 kulishuhudiwa akifikisha mabao 99 ya Ligi ya Mabingwa Ulaya hivyo atakuwa nyuma ya mkali Cristiano Ronaldo. Hivyo basi atakuwa amefunga karne hiyo katika mechi 121.

Bayern kuipiga PSG ya Neymar?

INFOGRAPHIC: Kundi B la Ligi ya Mabingwa Ulaya Septemba 27.

KUNDI B
Sept. 27, 2017
Anderlecht ? - ? Celtic
Paris Saint Germain ? - ? Bayern Munich

Wengi wa wafuatiliaji wa masuala ya kabumbu watashawishika kwa kiasi kikubwa kuzitazama PSG na Bayern Munich zitakaposhikana na wanatabiri huenda ikatokea sare. 

Wengine wanatabir katika kundi lao hakuna atakayeshangaa endapo zitakutakuta tena katika fainali Mei 2018 mjini Kyiv. Miamba hiyo ilianza vizuri katika mechi zao za ufunguzi kwa ushindi. Uwepo wa Neymar, Cavani na Mbappe utawavutia wengi kufuatilia mchezo huo. 

Kikosi cha Carlo Ancelotti kitakuwa na wakali Arjen Robben na Roberto Lewandowski kuutetemesha ukuta wa PSG uliopo chini ya nahodha Thiago Silva. Paris na Bayern zilikutana kwa mara ya mwisho mwaka 2000. 

PSG imeshinda mara tatu zote ilizokutana na Bayern katika mechi zake za nyumbani. Paris haijafungwa mechi tisa nyumbani katika ligi ya mabingwa. Ipo bayana kwamba mfumo wa Unai Emery wa 4-3-3 utafaa dhidi ya Bayern ili kumrudisha dimbani Angel Di Maria.

Mechi ya mapema itakuwa saa 1:00 usiku EAT baina ya Qarabag FK ya Azerbaijan dhidi ya AS Roma ya Italia itakayochezwa jijini Baku. Nyingine zitaanza saa 3:45 usiku EAT.

Monday, September 25, 2017

Toni Kroos kuivaa Dortmund Septemba 26

INFOGRAPHIC: Kundi H la Ligi ya Mabingwa barani Ulaya Septemba 26, 2017
KUNDI H
APOEL Nicosia? - ? Tottenham
Borussia Dortmund? - ? Real Madrid


Klabu ya Real Madrid imemkaribisha tena kiungo wake Toni Kroos katika mchezo dhidi ya Dortmund utakaochezwa Signal Iduna Park. 

Madrid inashuka katika mchezo huo wa Ligi ya Mabingwa Ulaya ikiwa haina Marcelo, Karim Benzema na Mateo Kovacic ambao ni majeruhi. Kroos alikosa kucheza dhidi ya Deportivo Alaves kutokana na majeruhi ya mbavu. Dani Ceballos alifunga mara mbili.

Gareth Bale na Cristiano Ronaldo watakuwapo kuikabili BVB. Dortmund walipoteza dhidi ya Tottenham katika mechi ya ufunguzi wa kundi H.

Sunday, September 24, 2017

Eliud Kipchoge bingwa Berlin Marathon 2017

Eliud Kipchoge

Bingwa mtetezi wa Olimpiki katika Marathon Eliud Kipchoge ameshinda mbio za Berlin Marathon leo akifanikiwa kuushinda upinzani aliokuwa akiupata kutoka kwa mwanariadha wa Ethiopia Guye Adola.

Kipchoge alimaliza akitumia saa 2:02:57 huku akishindwa kuweka rekodi mpya ya dunia kwa mara nyingine. Adola mwenye miaka 26 alimaliza sekunde 14 baada ya mshindi wa kwanza akitumia saa 2:03:32 .


Mkenya mwingine Wilson Kipsang na raia wa Ethiopia Kenenisa Bekele walitarajiwa kuvunja rekodi ya Dennis Kimeto lakini haikuwezekana.

Infographic: Yusuf Manji


Infographic: Diego Costa


Wednesday, September 13, 2017

Liverpool vs Sevilla, Real Madrid kuanza kampeni leo


KUNDI E
Liverpool ? - ? Sevilla
Maribor ? - ? Spartak Moscow

KUNDI F
Feyenoord ? - ? Manchester City
Shakhtar Donetsk ? - ? SSC Napoli

KUNDI G
FC Porto ? - ? Besiktas
RB Leipzig ? - ? Monaco

KUNDI H
Real Madrid ? - ? APOEL Nicosia

Tottenham ? - ? Borussia Dortmund

Tuesday, September 12, 2017

Mo Farah ajiandaa London Marathon 2018

Mo Farah Septemba 10, 2017

Mshindi wa medali wa dunia katika Olimpiki Mo Farah anajiandaa kurudi katika mbio ndefu za Virgin Money London Marathon  mwaka ujao.

Farah alistaafu katika mbio fupi na za kati za uwanja miezi michache iliyopita akiwa na medali 10 za dhahabu katika mita 5,000 na 10,000.

Sasa raia huyo wa Uingereza anataka kuandika jina lake katika mbio za barabara, ambapo kwa kuanza atashiriki mbio za Jumapili ya Aprili 22, 2018. 

“Nilipoamua kuanza na mbio za barabara mwaka 2018 nilijua kuwa mbio yangu ya kwanza itakuwa hii,” alisema Farah baada kushinda mbio ya Great North Run kwa mara ya nne mfululizo.

“London Marathon wamekuwa wakiniunga mkono kwa miaka mingi. Katika miaka yangu ya mwanzoni London Marathonilitoa msaada mkubwa wa kifedha kuniunga mkono, ninaendelea kujinoa ili niwe katika nafasi nzuri,” aliongeza mwanariadha huyo.


Mwaka 2013 Farah (34) alikimbia mbio hizo na kuambulia wa nane akitumia saa 2:08:21.

Monday, September 11, 2017

Ligi ya Mabingwa Ulaya 2017/18 kuanza kesho

Ligi ya Mabingwa barani Ulaya itaanza kutimua vumbi Septemba 12, 2017 ambako kutashuhudiwa
  Benfica? - ? CSKA Moscow
  Manchester United? - ? Basel
  Bayern Munich? - ? Anderlecht
  Celtic? - ? Paris Saint Germain
  Chelsea? - ? Qarabag FK
  Roma? - ? Atletico Madrid
  Barcelona? - ? Juventus
  Olympiacos? - ? Sporting CP

Jabir Johnson at Mkalama, Singida on 25 May 2016

Jabir Johnson at Mkalama, Singida on 25 May 2016

Jabir Johnson at Msolwa Sec. School

Jabir Johnson at Msolwa Sec. School
It was 28th May 2016

Jabir Johnson (The Journalist)

Ligi Kuu za Kandanda

Ligi Kuu za Kandanda

Jabir Johnson at BWM Stadium

Jabir Johnson Mking'imle

Jabir Johnson in Dar es Salaam

Jabir Johnson in Dar es Salaam

UCL 2015/16

Cristiano Ronaldo

Lake Victoria source of River Nile

Lake Victoria source of River Nile
Jabir Johnson at source of River Nile, Lake Victoria on May 21, 2016
Related Posts Plugin for WordPress, Blogger...

G


website counters

TOPSy KRETTS

Followers