Merry Christmas 2015

Pamoja kwa Umoja

Tuesday, March 28, 2017

Messi afungiwa mechi nne

SHIRIKISHO la Soka la Kimataifa (FIFA), limemfungia mechi nne nyota wa Argentina Lionel Messi mechi nne za kuwania kufuzu kucheza Kombe la Dunia baada ya kupatikana na hatia ya kumtukana mwamuzi juma lililopita dhidi ya Chile.
Lionel Messi
Aidha Messi amepigwa faini ya dola 10,160 na Kamati ya Nidhamu na Maadili ya FIFA kwa kitendo hicho.
Hivyo basi kwa adhabu hiyo nyota huyo wa Barcelona mwenye miaka 29 atakosa mechi tano zilizobaki za kinyang’anyiro cha kwenda nchini Russia mwaka ujao.
Adhabu hiyo imeanza kutekelezwa leo na huenda akarudi katika mechi ya mwisho dhidi ya Ecuador Juni 10 mwaka huu.
Mbrazil aliyetukanwa Alhamisi iliyopita wakati Messi akiifungia bao pekee timu yake kwa mkwaju wa penalti ni Sandro Ricci.
Katibu wa timu ya Argentina Jorge Miadosqui amethibitisha kupokea kwa barua hiyo kutoka FIFA huku akisisitiza kuwa maamuzi hayajafanana na uhalisia ambao upo kwenye taarifa za mwamuzi wa mchezo huo.
Aidha hofu imeanza kuwakumba mashabiki wa Argentina kwamba kumkosa nyota huyo ni kusema kwamba wanaweza kukosa kushiriki Kombe la Dunia kwani takwimu zinaonyesha katika mechi sita Messi akiwamo ndani walipoteza mchezo mmoja na kushinda mitano lakini alipokosekana walishinda mmoja tu na kupoteza miwili sare zikiwa nyingi.
Lionel Messi akiwa na kikosi cha Argentina


 

Machi 28, 1983

Larry Holmes
Larry Holmes maarufu ‘Easton Assassin’ alimkung’uta Lucien Rodriguez katika pambano la raundi 12 la uzito mkubwa.

Pambano hilo la kuwania taji la WBC lilikuwa la 42 kwa Holmes lilichezwa Watres Armory mjini Scranton huko Pennsylvania nchini Marekani.

Rodriguez alizaliwa Desemba 13, 1951 mjini Casablanca nchini Morocco na kukulia mjini Saint-Ouen, St. Denis nchini Ufaransa akijifua katika staili ya Orthdox.

Holmes alizaliwa Novemba 3, 1949 ambaye alidumu ulingoni kuanzia mwaka 1973 hadi 2002. Alikulia Easton huko Pennsylvania hivyo kupewa jina la utani ‘Muuaji kutoka Easton’.

Holmes alikuwa mahiri kwa kurusha makonde mazito na hatari kwa kutumia mkono wa kushoto  akishikilia taji la WBC kuanzia 1978 hadi 1983 huku akifanikiwa kutwaa taji la Ring na lile la Uzito wa Lineal kuanzia mwaka 1980 hadi 1985.

Kuanzia mwaka 1983 hadi 1985 alishikilia taji la IBF huku akifanikiwa kutetea mataji yake mara 20 mfululizo.

Hatua hiyo imemweka katika nafasi ya tatu ya mabondia waliofanikiwa kutetea mataji yao zaidi ya mara 20 akiwa nyuma ya Joe Louis mara 25, Wladimir Klitschko mara 22.

Haitoshi Holmes ni miongoni mwa mabondia watano waliomkung’uta bondia mahiri wa zamani nchini Marekani Muhammad Ali akiungana Joe Frazier, Ken Norton, Leon Spinks na Trevor Berbick.

Holmes aliweka rekodi nyingine ya kushinda mapambano 48 ya mwanzo yakiwamo aliyowatandika Norton, Ali, Earnie Sheavers, Mike Weaver, Gerry Cooney, Tim Witherspoon, Carl Williams na Marvis Frazier akibakiza pambano moja kuifikia rekodi ya Rock Marciano ya 49-0 alipopoteza dhidi ya Michael Spinks mwaka 1985.

Mwaka uliofuata Holmes aliamua kustaafu kupanda ulingoni baada ya kupoteza kwa Spinks lakini akaja kurudi tena ulingoni.

Alijitahidi kupambana bila mafanikio makubwa hadi 1995 huku akishindwa kupenya kwa  Mike Tyson, Evander Holyfield na Oliver McCall. Holmes alipambana pambano lake la mwisho mwaka 2002 dhidi ya Eric ‘Butterbean’ Esch na kustaafu moja kwa moja akiwa na rekodi ya ushindi wa mapigano 69 huku akipoteza mapambano sita.


Holmes ameingizwa katika Hall of Fame ya Kimataifa na ile ya Dunia katika medani ya masumbwi kuwa ni miongoni mwa majabali wa uzito mkubwa duniani.

Monday, March 27, 2017

Kamworor atetea taji la IAAF Cross Country 2017, Tanzania Hoi

KAMPALA, UGANDA
Geoffrey Kipsang Kamworor
Mwanariadha wa Kenya Geoffrey Kipsang Kamworor ametetea taji la mbio za nyika za dunia zilizofanyika Uganda Machi 26 mwaka huu akitumia dakika 28:24.

Kamworor anakuwa mwanariadha wa kwanza baada ya miaka 11 kupita kwa bingwa kutetea taji lake katika mbio hizo.

Raia wa Uganda Joshua Cheptegei alionekana awali kama angeweza kuipa nchi yake medali lakini akashindwa.

Kamworor aliongoza kwa wanariadha 30 katika mizunguko miwili ya kilometa mbili kwa dakika 5:12 akiwa na Mkenya mwenzake Vincent Kipsang Rono akitumia dakika 11:02.

Hata hivyo mwishowe Leonard Kiplimo Barsoton Kenya alishika nafasi ya pili akitumia dakika 28:36 huku Abadi Hadi raia wa Ethiopia akitumia dakika 28:43

Gabriel Gerald Geay wa Tanzania alishika nafasi ya 22 akitumia 29:47 hivyo matumaini ya nchi hiyo kutwaa medali katika mbio hizo mwaka huu yalifutika.

Kwa upande wa wanawake Irene Cheptai wa Kenya aliyetua jijini Kampala kutwaa medali ya dhahabu aliwapita Alice Aprot na Lilian Kasai Rengeruk

1          Geoffrey Kipsang KAMWOROR    KEN   28:24 
2          Leonard Kiplimo BARSOTON      KEN    28:36 
3          Abadi HADIS                                    ETH    28:43 
4          Jemal YIMER                                   ETH    28:46 
5          Aron KIFLE                                      ERI     28:49 
6          Muktar EDRIS                                 ETH    28:56 
7          Vincent Kipsang RONO                  KEN    29:00
8          Ibrahim JEILAN                              ETH    29:07 
9          Timothy TOROITICH                     UGA   29:10 

10        Bonsa DIDA                                      ETH    29:10  

Sunday, March 26, 2017

Mbwana Samatta Machi 25, 2017 kabla ya kuivaa Botswana

Samatta alizungumza na kocha wa zamani wa Taifa Stars Kim Poulsen.
Mbwana Samatta akishuka kwenye basi la Shirikisho la Soka Tanzania (TFF), uwanja wa Taifa Machi 25, 2017

Ilikuwa mechi ya kirafiki ya Kimataifa ambayo Tanzania ilishinda kwa mabao 2-0 dhidi ya Botswana. Taifa Stars inanolewa na Salum Mayanga, Botswana ipo mikononi mwa Peter Butler.







Machi 24, 1965


Undertaker
Alizaliwa mwanamieleka maarufu ulimwenguni Mark Callaway maarufu ‘Undertaker’.

Jina halisi la mwanamieleka huyu ni Mark William Calaway, sasa amesaini mkataba mwingine na WWE ambao alianza nao tangu mwaka 1990. Anajulikana kwa majina mengi anapokuwa ulingoni  miongoni mwa hayo ni ‘The Phenom’, ‘The Punisher’, ‘The Master of Pain.’

Alizaliwa mjini Houston jimboni Texas akiwa ni kijana wa kiume wa Mzee Frank Compton Calaway aliyefariki Julai 22, 2003 na mama yake Betty Catherine Truby.

Pia Undertaker ana kaka zake wane ambao ni David, Michael, Paul na Timothy.

Undertaker alianza kusoma katika shule ya Waltrip ambako alikuwa miongoni mwa wachezaji wa timu ya shule hiyo ya kikapu na kandanda.
Alimaliza mwaka 1983 na kuamua kuingia katika chuo cha Angelina kilichopo Lufkin huko huko Texas.

Akiwa huko alimua kujikita katika masomo ya Usimamizi wa Michezo na alikuwa akicheza kikapu katika timu ya Rams kati ya mwaka 1985 hadi 1986 katika nafasi ya kati, yaani kiungo.

Aliachana na chuo kikuu ili kuzama zaidi katika michezo huku akiwa na maono ya kutaka kucheza kikapu barani Ulaya katika siku za usoni kabla hajaamua kuingia katika mieleka.

Mwaka 1984 aliingia katika Michuano ya Mieleka ya Dunia (WCCW) akitumia jina la Texas Red. Mechi yake ya kwanza alipoteza dhidi ya Bruiser Brody. Mwaka 1988 ikiwa imepita miaka mine baada ya kupanda alijiunga na Chama cha Mieleka cha Mabara ambapo alikuwa miongoni mwa mwanachama wa Chama cha Mieleka cha Marekani.

Februari 2, 1989 akiwa mikononi mwa kocha Dutch Mantel alipanda ulingoni akitumia jina la ‘The Master of Pain’, akitoka jela baada ya kushtakiwa kwa kuua watu wawili kwa kuwapiga.

Undertaker alimwoa Jodi Lynn mwaka 1989 na kufanikiwa kupata mtoto wa kiume Gunner Vincent mwaka 1993 lakini ndoa hiyo ilidumu hadi mwaka 1999.

Undertaker akamwoa mke wa pili Sare mjini St. Petersburg jimboni Florida Julai 21, 2000.

Kisha akapanda ulingoni dhidi ya Jerry Lawler.

Novemba mwaka 2015 mwandishi wa gazeti la Telegraph Tom Frody alimwelezea Undertaker kuwa ni mwanamichezo mkubwa duniani. Mwaka huu Undertaker amekuwa mwanamieleka wa kwanza kudumu katika WWE tangu mwaka 1990 huku akitimiza miaka zaidi ya 25 katika medani hiyo.
Undertaker


Nape Nnauye aibukia Taifa, Stars ikishinda 2-0 dhidi ya Botswana

DAR ES SALAAM
Aliyekuwa Waziri wa Habari, Utamaduni, Sanaa na Michezo Nape Nnauye alikuwa kivutio katika mechi ya kirafiki ya kimataifa baina ya wenye Tanzania dhidi ya Botswana iliyochezwa Uwanja wa Taifa jijini Dar es Salaam.
 Nape aliingia uwanjani hapo wakati Taifa Stars ikiwa mbele kwa bao moja wakati wa mapumziko na kuwainua mashabiki waliokuwa uwanjani hapo.

Mbunge huyo wa Mtama kwa tiketi ya Chama cha Mapinduzi  aliwapungia mkono huku akienda pande zote walizokuwa mashabiki akitokea jukwaa aliloketi Waziri Mpya wa Wizara hiyo Dkt. Harrison Mwakyembe.


Nape aliondolewa madarakani Alhamisi iliyopita siku moja baada ya kupokea ripoti ya uvamizi wa Studio za Kampuni ya Clouds Media Group uliofanyika Machi 17 mwaka huu. 







Saturday, March 25, 2017

Mei 20, 2012

Anthony Mtaka akitabasamu katika mkuu wa mwaka 2016 wa Shirikisho la Riadha Tanzania (RT)
Mei 20, 2012 Shirikisho la Riadha Tanzania (RT), liliandika historia mpya baada ya kumchagua Rais wa shirikisho hilo Anthony Mtaka Mtaka aliweka rekodi ya kuwa kiongozi mwenye umri mdogo, kushika nafasi hiyo. Alikuwa na miaka 30.

Aidha Mtaka wakati akiweka rekodi hiyo alikuwa Mkuu wa Wilaya ya Mvomero mkoani Morogoro katika uchaguzi wa pili wa mwaka Novemba 2016 alitetea nafasi hiyo, safari hii akiwa Mkuu wa Mkoa wa Simiyu.

Uongozi uliochaguliwa Mei 20, 2012; Makamu wa rais, William Kallaghe anayeshughulikia mambo ya utawala na Dk. Hamad Ndee, anayeshughulikia ufundi. Katibu Mkuu Suleiman Nyambui, Katibu Msaidizi, Ombeni Zavalla, Mhazini, Is-Haq Suleiman huku wajumbe wa Kamati ya Utendaji ni Mwinga Mwanjala, Meta Petro, Peter Mwita, Rehema Killo, Lwiza John, Zakaria Barrie, Zakaria Gwandu, Robert Kalyahe, Christian Matembo na Tullo Chambo.


Mimi ni mtoto wa kwanza kati ya wanne wa Mwalimu Meryciana Magati na Mzee John Mtaka Chiganga. Ndugu zangu wengine ni Masegenya, Msafiri na Mgengere. Nimesoma elimu yangu ya Msingi, Suguti iliyopo Wilaya Musoma Vijijini Mkoa wa Mara, ambapo baadaye nilihitimu shahada ya kwanza ya Utawala, Menejimenti ya Utumishi wa Umma Chuo Kikuu Mzumbe mwaka 2009. Nimeshiriki michezo katika ngazi ya shule ya msingi na sekondari, nikiwa mshiriki katika riadha mbio za kupokezana vijiti ‘relay’, mbio fupi mita 100, kurusha kisahani, kurusha tufe, kulenga shabaha na kidogo nimecheza basketball nikiwa sekondari ya Mwembeni Musoma. Kama mwanafunzi, michezo hii yote sikuicheza katika mafanikio makubwa ya kujulikana kitaifa, lakini imenijenga kuwa mwanamichezo na mpenzi wa michezo hata kunichochea kuomba ridhaa ya kuongoza chama cha riadha Tanzania, nikiamini ninao uwezo wa kuurudisha mchezo wa riadha katika ramani ya nchi yetu, kwani naamini ni mchezo wenye mashabiki kila kona au pembe ya nchi yetu ndani na nje.”
Mtaka akizungumza na mwandishi wa habari Jabir Johnson katika mahojiano waliyoyafanya katika Uwanja wa Taifa jijini Dar es Salaam Novemba 2016

Friday, March 24, 2017

NHIF yaipiga tafu Serengeti Boys

Machi 23, 2017 haitasahaulika kwa wachezaji wa kikosi cha soka cha timu ya taifa chini ya miaka 20 walipokabidhiwa kadi zao za bima ya afya toka katika mfuko wa Taifa wa Bima ya Afya (NHIF), hafla iliyofanyika makao makuu ya mfuko huo Kurasini jijini Dar es Salaam.
Mchezaji wa Serengeti Boys Kelvin akipokea kadi ya Bima ya Afya.

Akiwakabidhi kadi hizo Kaimu Mkurugenzi wa Masoko NHIF Angela Mziray alisema kutokana na majanga ambayo yamekuwa yakiwakuta wanamichezo wawapo uwanjani ni vema wanamichezo wakawa na bima ya afya kwani maradhi au majeraha hujitokeza muda wowote ule.

Angela amesema NHIF wamefikia katika hatua ya kuwasajili wanasoka kutokana na kuthamini michezo.

Mbali na bima ya Afya mfuko huo umetoa fursa kwa Serengeti Boys kutumia chumba cha kufanyia mazoezi kilichopo katika ofisi za mfuko huo.

Katika hatua nyingine Angela aliipongeza Serengeti Boys kwa kufanikiwa kupata nafasi ya kwenda kushiriki katika fainali za AFCON kwa vijana wenye umri chini ya miaka 17 zinazotaraji kwenda kufanyika nchini Gabon.

Angela alisema Serengeti imepiga hatua kubwa katika maendeleo ya mchezo wa soka nchini kwani sasa inaliwakilisha vema Taifa na kulitangaza kimataifa.

Kwa upande wake Meneja Wanachama wa NHIF Elentruda Mbogoro amewataka wanamichezo katika mbalimbali kujiandikisha katika mfuko huo kuanzia ngazi ya michezo ya mashule hadi katika ligi mbali mbali.


Katibu Mkuu wa TFF Selestine Mwesigwa aliishukuru NHIF kwa kuwapatia wanasoka hao huduma hiyo ambapo Machi 24, 2017 walianza kuzitumia kwenye matibabu ya afya ikiwamo kuchomwa sindano za homa ya manjano wakati wakijiandaa na safari ya kwenda Gabon.




Mkurugenzi wa Azam FM Said Kawemba akizungumza jambo baada ya kupata fursa ya kuzungumza kuhusu Bima ya Afya ya wachezaji

Picha ya pamoja baada ya kukabidhiwa bima afya

Serengeti Boys walipata fursa ya kujionea Gym waka ajili ya mazoezi

Machi 23, 1992

1992
Kyrie Irving akiwa na Cleveland Cavaliers

Alizaliwa mchezaji wa kikapu wa Marekani Kyrie Irving. Nyota huyo kwa sasa anaitumikia klabu ya Cleveland Cavalliers.

Alizaliwa mjini Melbourne nchini Australia kwa wazazi wenye asili ya Marekani lakini alikulia mjini West Orange, New Jersey.

Baba yake anafahamika kwa jina la Drederick na mama yake aliyefahamika kwa jina la Elizabeth. Elizabeth alifariki dunia wakati Irving akiwa na miaka mine kwa homa, hivyo nyota huyo akalelewa na shangazi zake.

Baba yake alikuwa mchezaji wa kikapu katika Chuo Kikuu cha Boston ambako alikuwa na Shawn Teague na kocha Rick Pitino.

Baba yake baada ya kumaliza masomo ya chuo kikuu alitimkia Australia akicheza kikapu na klabu ya Bulleen Boomers. Alipokuwa huku alikuwa akiishi katika kitongoji cha Kew.

Irving alizama chuoni ambako alisoma katika Chuo Kikuu cha Duke akiwa huko alikuwa akiichezea timu ya chuoni hapo. Cavaliers walimwona na kumchukua mwaka 2011.

Msimu wa 2011/12 alichukua tuzo ya mwaka ya chipukizi bora wa NBA, mwaka 2014 alitangazwa MVP wa NBA All Star Game na mwaka 2016 alitwaa taji la NBA akiwa na Cavaliers.

Timu ya taifa ya Marekani alianza kuitumikia mwaka 2012, Australia walimtaka aiwakilishe nchi hiyo katika mashindano ya Olimpiki lakini Marekani ikamuwahi michuano ya Olimpiki ya Rio 2016 nchini Brazil.

Alikuwa miongoni mwa waliounda kikosi cha Kombe la Dunia la FIBA mwaka 2014 ambako ilitwaa medali ya dhahabu.

Mwaka 2016 alikuwa miongoni mwa kikosi kilichounda timu ya taifa ya Marekani kwa ajili ya michuano ya Olimpiki ambako waliibuka washindi na kutwaa medali ya dhahabu.


Kitendo cha kutwaa medali hiyo, Irving aliingia katika rekodi ya nyota wengine waliotwaa taji la NBA na medali ya Olimpiki ndani ya mwaka mmoja ambao ni LeBron James, Michael Jordan na Scottie Pippen.

Thursday, March 23, 2017

Machi 21, 1980

Ronaldinho akiwa katika jezi ya Barcelona
Alizaliwa mchezaji wa zamani wa Brazil Ronaldinho Gaucho. Jina lake halisi ni Ronaldo de Assis Moreira.

Alizaliwa katika mji wa Porto Alegre mji mkuu wa Jimbo la Rio Grande do Sul nchini Brazil. Mama yake alifahamika kwa jina la Dona Miguelina Eloi Assis dos Santos mtoto wa Enviro Assis. Baba yake alikuwa mfanyakazi katika bandari na mchezaji wa kandanda katika klabu ya Cruzeiro EC.

Mzee Joao de Assis Moreira alipata matatizo ya moyo katika bwawa la kuogolea nyumbani kwake wakati huo Ronaldinho akiwa na miaka minane.

Kaka yake anafahamika kwa jina la Roberto ambaye ni meneja wake wakati wakiwa wadogo kaka yake huyo alisaini kuitumikia Gremio lakini hakudumu sana kwani majeruhi yalikatisha safari yake ya soka.

Uwezo wa kusakata kabumbu ulianza kuonekana akiwa na miaka minane  hivyo kupewa jina la Ronaldinho kwani katika mfumo wa kuitana majina nchini humo unapokuwa na umri mdogo utapaswa kutumia Ronaldinho endapo jina lako ni Ronaldo.

Kwa mfano Fernandinho basi ujue kuna Fernando na kadhalika. Sasa Ronaldinho akazoeleka hata alipokuwa mkubwa.

Akiwa na miaka 13 ndipo vyombo vya habari vilipoanza kumfuatilia kwa karibu kutokana na kipaji na uwezo mkubwa wa kuchezea mpira.

Akiwa katika umri huo alifunga mabao 23-0 katika mechi moja kwenye timu ya mtaani ndipo mwaka 1997 aligundulika na kujumuishwa katika kikosi cha Kombe la Dunia nchini Misri chini ya miaka 17 kuwa ni nyota inayochipuka kwa kasi alipofunga mabao mawili kwa mikwaju ya penalti.

Katika makuzi yake, Ronaldinho alikuwa akiwahusudu sana nyota kibao wa nchini mwake na nje ya mipaka ya Brazil Rivelino aliyeanza kuwika miaka ya 1970, Diego Maradona kuanzia mwaka 1986, Romario kuanzia mwaka 1994 na wachezaji aliocheza nao kikosi kimoja Ronaldo na Rivaldo waliofanikisha kutwaa Kombe la Dunia mwaka 2002. Akiwa timu ya taifa alicheza mechi 97 akifunga mabao 33.

Ronaldinho ameweka rekodi ya kuwa mchezaji ambaye amecheza kila hatua ya makuzi ya soka kuanzia akiwa na miaka minane nchini mwake.


Amewahi kuzitumikia kwa mafanikio Barcelona ambako hadi sasa amekuwa balozi wa klabuu hiyo, AC Milan, Paris Saint Germain (PSG), Atletico Mineiro, Flamengo, Fluminense na Gallos Queretaro.
Rinaldinho akiwa jezi ya Barcelona, Paris Saint Germain, AC Milan na Brazil

Kvitova njiani kurudi dimbani

Petra Kvitova
Mshindi mara mbili wa taji la tenisi la Wimbledon Petra Kvitova amesema yupo njiani kurudi katika hali yake baada ya kushambuliwa kwa kisu Desemba mwaka jana.

Nyota huyo mwenye miaka 27 ameanza kupata nafuu baada ya kuchomwa kisu na mvamizi mmoja nyumbani kwake Prostejov.

Mashabiki na wapenzi wa mchezo huo wameendelea kumpa pole na kumtakia kila la kheri ili aweze kurudi tena dimbani.

Kwa mara ya mwisho kwa nyota huyo kushiriki michuano ilikuwa Novemba 12 mwaka jana katika Kombe la Fed alipomvaa raia wa Ufaransa Carloine Garcia.


Alitwaa taji la Wimbledon mwaka 2011 na 2014.

Tuesday, March 21, 2017

Machi 20, 1984

Alizaliwa mchezaji wa timu ya taifa ya Hispania na klabu ya Atletico Madrid, Fernando Torres.
Fernando Torres mwaka 2015 akiwa katika jezi  ya Atletico Madrid

Mshambuliaji huyo alizaliwa Fuenlabrada jijini Madrid. Torres alianza kupenda kandanda tangu akiwa motto na alijiunga na timu ya Parque 84 akiwa na miaka mitano.

Fernando Jose Torres Sanz ndilo jina lake halisi alianza akiwa na baba yake na mama yake waliokuwa wakimpa sapoti ya nguvu.

Babu yake hakuwa mshabiki wa nguvu wa kandanda lakini alikuwa akiipenda Atletico Madrid hivyo Torres wakati anakua alitokea kuipenda miamba hiyo ya Madrid.

Hata hivyo Torres alianza kucheza langoni nafasi ambayo kaka yake alikuwa akicheza ya golikipa.

Hakukaa sana alipokuwa na miaka saba alianza kucheza nafasi ya ushambuliaji katika klabu ya Mario’s Holland.

Akiwa na miaka 10 aliingizwa katika timu ya Rayo 13. Alifunga mabao 55 kwa msimu mmoja hivyo walipata nafasi ya kufanya majaribio Atletico na kufanikiwa kuingia katika timu ya vijana akiwa na miaka 11 mwaka 1995.

Timu ya wakubwa aliingia mwaka 2001 na alipomaliza kwa awamu ya kwanza kuwamo na Rojiblancos alikuwa amefunga mabao 75 katika mechi 174 za La liga alizocheza.

Mwaka 2007 alijiunga na Liverpool ya England ambako aliweka rekodi ya kuwa mchezaji wa kwanza baada ya Robbie Fowler (1995/96), kufunga mabao 20 katika msimu mmoja kufunga mabao zaidi ya 20.

Pia aliweka rekodi ya kuwa mchezaji mwenye kasi zaidi kwenye historia ya Liverpool kufunga mabao 50 katika ligi. Pia aliingizwa katika kikosi cha dunia cha mwaka 2008/09. Akiwa Liverpool ndipo alipoitwa ‘El Nino’. Aliachana na klabu hiyo mwaka 2011 na kutua Chelsea alikotwaa taji la FA na Ligi ya Mabingwa Ulaya.

Kwa mara ya kwanza aliitwa timu ya taifa mwaka 2003 dhidi ya Ureno hadi sasa akiwa ameichezea mechi zaidi ya 100 na kushika nafasi ya tatu kwa kuwa ufungaji.

Pia ametwaa taji la dunia mwaka 2010,  euro 2012 huku Torres akifanikiwa kufunga kwenye Euro 2008 na ile ya 2012.
Fernando Torres akiwa na Timu ya Taifa ya Hispania

Monday, March 20, 2017

Supporters With A Game










Kocha Zumba Mboya wa Kurasini Heat akimwelekeeza jambo mchezaji wake kwenye mchezo dhidi ya Ukonga Kings Machi 18, 22017. Ukonga Kings 55-61 Kurasini Heat.

Sunday, March 19, 2017

Pazi 60-83 Vijana

Mashabiki hawakauwa nyuma kufuatilia mchezo huo.

Mchezo baina ya Pazi na Vijana katika Ligi ya Kikapu mkoa wa Dar es Salaam (RBA); Machi 17, 2017

Mwamuzi: Gosbert Boniface
Game No: 47
Umpire 1: Haleluya Kavalambi
Umpire 2: Daniel Patrick
Matokeo ya Jumla: 60-83
Matokeo ya Robo: 18-12, 18-15, 15-34, 9-22

Kikosi cha Pazi: Alfred Kagambi (6), Crispin Abuto (14), Venochen Yifanchen (4), Kelvin Wash (7), Denis Chibuda (10), Ally Hamad (15), John Mashauri (11), Ramadhani Shabani (12), Mussa Khola (9).

Kikosi cha Vijana: Jacob Malenga (4), Malegesi (5), Kaikai Leka (6), Said Khamis (7), Stephen Mshana (8), Baraka Mopele (9), Jorvin Charles (10), Cornel Joseph (11), Oscar Olal (12), Mwalimu Kheri (13), Anthony Jeikanga (14), Harun Salingo (15).
Kabla ya mchezo mashabiki waliendelea kubadilisha mawazo

Wakati wa mapumziko  Pazi dhidi ya Vijana 

Hapiti mtu hapa Pazi vs Vijana

Malegesi akiwa na mpira kwenye mechi yake dhidi ya Pazi

Venochen akijitahidi kuzuia mipnago ya Vijana

Hekaheka katika mchezo Pazi dhidi ya Vijana

Venochen (4) wa  Pazi katika mchezo huo dhidi ya Vijana

Malegesi wa Vijana akiruka kutupia kikapu dhidi ya Pazi 

Hekaheka dimbani

Mpira uliotumika baina ya Pazi na Vijana

Mashabiki

Mwalimu Heri (13) akizungumza jambo na mwamuzi Haleluya Kavalambi kwenye mchezo huo

Baadhi ya wachezaji wa Vijana wakiwa katika mapumziko

Venochen akijishika mikono kichwani akishuhudiwa kosakosa walizokuwa wakizifanya wakati wa mcezo wao dhidi ya Vijana ,Harun Salingo (15) wa Vijana akifuatilia

Mussa Khola (9) wa Pazi akiwa chiini huku Mwalimu Heri (13) akitazama namna ya kupokonya mpira huo

Jabir Johnson at Mkalama, Singida on 25 May 2016

Jabir Johnson at Mkalama, Singida on 25 May 2016

Jabir Johnson at Msolwa Sec. School

Jabir Johnson at Msolwa Sec. School
It was 28th May 2016

Jabir Johnson (The Journalist)

Ligi Kuu za Kandanda

Ligi Kuu za Kandanda

Jabir Johnson at BWM Stadium

Jabir Johnson Mking'imle

Jabir Johnson in Dar es Salaam

Jabir Johnson in Dar es Salaam

UCL 2015/16

Cristiano Ronaldo

Lake Victoria source of River Nile

Lake Victoria source of River Nile
Jabir Johnson at source of River Nile, Lake Victoria on May 21, 2016
Related Posts Plugin for WordPress, Blogger...

G


website counters

TOPSy KRETTS

Followers